【邏輯謬誤系列 – 想讀書叻？去買書啦！】
📺：研究指出，家中有比較多書既學生，係學校既學習成績都會比較好
👩🏻🦱：喂！呀仔！我地去買書睇啦，屋企多書就會讀書叻
👦🏻：err…媽咪，可能係因為讀書叻既同學仔都比較中意睇書
🗣簡介：
倒果為因（Reverse Causality），係一種常見既邏輯謬誤，受害者會將事情既「因」認定為「果」，又會將事情既「果」認定為「因」。而之所以會出現倒果為因，多數係因為「因」同「果」有高度相關性，所以先會出現因果混亂，倒果為因既謬誤。
🗣經典例子
通常大家講起「倒果為因」都會提及頭蝨。
😷：醫生，我有少少發燒。
👨🏻⚕：都係因為頭蝨唔夠，放多幾隻上去就無事啦！
喺係赫布里底群島，島上最受歡迎既就係頭蝨。全因當地既島民觀察到當身上既蝨子好多既時候，就唔會出現發燒感冒既症狀。相反，身上既蝨子變少（因），就是容易出現發燒（果）。
當然，隨醫療進步，我地明白到係因為我地發燒，體溫上升（因），令溫度唔再適合蝨子生存，所以蝨子既數量先會大減（果）。
🗣常見例子
係日常生活入面，都會出現好多常見既因果混亂，甚至倒果為因既謬誤。以下會有幾個例子，比大家思考下！
1.「住院愈耐，健康愈差，死亡率愈高」
🕴🏻病人係因為健康差，病情嚴重先住咁耐醫院🏥所以，上述句子都有出現倒果為因既情況。
2.「想打辯論勁，就要拎好多最佳辯論員」
🕴🏻辯論員係因為夠勁，先可以拎到咁多最佳辯論員 🏆 所以，上述句子都有出現倒果為因既情況。
3.「愈多消防員出動既火災，火勢都比較難控制，財物損失都比較慘重。所以，下次火災都唔好派咁多消防員。」
🕴🏻係因為火勢難以受控，所以先需要額外既消防人手🧑🏻🚒🧑🏻🚒🧑🏻🚒所以，上述句子都有出現倒果為因既情況。
4.「打籃球會變高，你睇下啲籃球員幾高」
🕴🏻其實可以係因為高既人打籃球有優勢，同埋高既籃球員職業生涯耐啲，所以先會吸引好多高既人去打籃球🏀所以，上述句子都有出現倒果為因既情況。
🗣本地例子
林鄭特首：要事件平息，先可以有真誠對話
毛孟靜：就係因為無對話，先搞到今日咁，根本倒果為因。
最後，流感肆虐，願各位身體健康！
原文刊登於：（2020年2月4日）https://www.facebook.com/hksdfdebate/